الامل

    آلصدق نبراس الوفاء..والشعر مفتـاح الشعـور

    شاطر

    Admin
    Admin

    عدد المساهمات : 153
    تاريخ التسجيل : 22/12/2012

    آلصدق نبراس الوفاء..والشعر مفتـاح الشعـور

    مُساهمة  Admin في الثلاثاء يناير 01, 2013 5:26 am

    البارحه وجه السماء مـالاح بـه مثقـال نـور
    يطلق سراح اغلى كـلام مـن الظـلام ويعتقـه

    من التعب دوّرت في صدري على منفـذ عبـور
    احتجت امرر من خلاله ..كبت ضيقـه وغلقـه

    حاولت اشد ازري وجف النبض من سبع البحور
    مع كل قاف اركـبّه..في كـل طـاروق اطرقـه

    حزني على نفسي تفـرّد بـي وتفكيـري يـدور
    في دايره والدايـره مـن كـل جانـب مغلقـه

    دك الضلوع بخيله..وسيفه..وبالصوت الجهـور
    ولا استراح الا بعـد ثـارت رصاصـة بندقـه

    اوجست لي خيفه من الواقـع وتغريـب وفتـور
    وآنست نارٍ تشتعل فـي كـل ضلـع وتحرقـه

    من عادة الصبر يتجمّـل فـي مغاليـق الصـدور
    لكن مدري ليش حـرّك هـم صـدري واقلقـه

    ياصاحبي عذرك معك..وانا معك..وانت معذور
    لو ضقت بي ذرعا ..بعد ما اخليت ربـع المنطقـه

    انا بدويٍ في الغياب اوجـد تفاصيـل الحضـور
    وانت الوحيد اللي عليَ بكـل حـال اصدقـه

    سولف على رسلك بفمّك قبـل دمـك لايفـور
    واضحك لو عيوني معـك بدموعهـا مغرورقـه

    آلصدق نبراس الوفاء..والشعر مفتـاح الشعـور
    يصبح بها الانسان في تركيبتـه..مصـدر ثقـه

    واحلمي الي كنت ادوّن حجتـه بيـن السطـور
    عجزت لا اتخلـى عنـه..ولا قـدرت احققـه

    مدري وقف بيني وبينه ظـرف متعنـت وجـور
    او فيه احد غيري لقـى فرصـة غيابـي واسرقـه

    المؤسف ان الروح خصبه..واغلب الافكار بـور
    والمشكلـه كـل الحقايـق..بالشهـود موثقـه

    الغصن لو انه يطيع الريـح فـي بعـض الامـور
    ماهوب لازم ينثني ويطـاوع الريـح ..ورقـه





    قصيدة آعجبتنــــي ارجو ان تنال رضاكم واستحسانكم

      الوقت/التاريخ الآن هو الثلاثاء أغسطس 14, 2018 10:19 am